မင်းကို တစ်နေ့မှာ အနည်းဆုံးတစ်ခေါက်တော့ သတိရနေမယ့်လူတစ်ယောက် ဟောဒီလောကကြီးထဲမှာ ရှိနေတယ်ဆိုတာကို အသိအမှတ်ပြုပေးပါ။

စိတ်ကောက်ခြင်းသည် ကျန်းမာရေးကို ဆိုးရွားစွာ ထိခိုက်စေနိုင်သည်။ – မင်းခိုက်စိုးစန်

ကိုယ့်လက်ကို ရဲရဲတွဲ။
သဘာဝလောကကြီးကို သိမြင်။
အနုပညာတွေ ဖန်တီး။
ကြယ်နဲ့ လတို့ရဲ့ အလင်း ဂီတကို နားဆင်။
မှော်ရုံကို တံခါးအသစ်နဲ့ ဖွင့်ဝင်ကြရအောင်။

ကြယ်သီချင်း နဲ့ လမင်းသံစဉ် – တာရာမင်းဝေ

ရင်မှာလွမ်းရင်
မျှော်တိုင်း မြင်လွန်းလို့
လက်ညှိုးညွှန်ရာ
သူဖြစ်ပါစေသား အရှင်ဘုရား။ ။

ပန်းခေတ်ကလမင်း – တာရာမင်းဝေ

သူက
ပန်းပွင့်ကလေးကို နမ်းတယ်။
ငါ …
လူစင်စစ်က ပန်းပွင့်ဖြစ်စေသား … လို့
ကျွန်တော် ဆုတောင်းမိပါတယ်။

ပန်းခေတ်ကလမင်း – တာရာမင်းဝေ

ယောကျာ်းကလေးများအဖို့
တစ်ထွာသောဆံပင်သည်
အရှည်ကြီး ဖြစ်၏ ။
မိန်းကလေးများအဖို့
တစ်ထွာသောဆံပင်သည်
တိုတိုကလေးဖြစ်၏ ။

ဘတ်စ်ကားပေါ်မှ လူအဖို့
အင်းစိန်နှင့်ရန်ကုန်ခရီးသည်
အဝေးကြီးဖြစ်၏ ။
ကိုယ်ပိုင်ကားပေါ်မှ လူအဖို့
အင်းစိန်နှင့်ရန်ကုန်ခရီးသည်
နီးနီးလေးဖြစ်၏ ။

တောင်အောက်မှ လူအဖို့
ထိုလမ်းသည်
အတက်ဖြစ်၏ ။
တောင်ပေါ်မှ လူအဖို့
ထိုလမ်းသည်
အဆင်းဖြစ်၏ ။

ညအဖို့
၁၂ နာရီသည် သန်းခေါင်ယံဖြစ်၏ ။
နေ့အဖို့
၁၂ နာရီသည် မွန်းတည့်ဖြစ်၏ ။

လူကြီးများအဖို့
အချစ်သည် အတိတ်ဖြစ်၏ ။
လူငယ်များအဖို့
အချစ်သည် အနာဂတ်ဖြစ်၏ ။ ။

ရီလေတီဗီတီ သီအိုရီ – မင်းလူ (“ဦးမင်းလူကောင်းမှု” ကဗျာစာအုပ်မှ)

မင်းအတွက်တော့ ငါဟာ…
… ဘာမှ မဟုတ်ပါဘူး။

ဒါပေမယ့် အဲ့ဒီ “ဘာမှ မဟုတ်ဘူး” ကိုပဲ
ငါ သေသေချာချာ သိမ်းဆည်းထားတယ်
မင်းကို သတိရတဲ့အခါ
မကြာ… မကြာ… ထုတ်… ထုတ်ကြည့်ချင်လို့။

ဂျစ်ပစီ − မင်းခိုက်စိုးစန်

တိတ်တိတ်တိုးတိုး
အကြည့်ခိုး
မသိကျိုးကျွံ
နစ်တဲ့နွံ …။

နတ်ပျိုမအတွက်ပန်း − မင်းလူ

လက်နဲ့မရေး
အသက်နဲ့ရေးသတဲ့ …..
ဆေးနဲ့မခြယ် …
သွေးနဲ့ခြယ်သတဲ့ …..
ဘယ်တော့ဖြစ်ဖြစ်
ထာဝရသစ်လွင်
အချစ်မြင်လား
ပန်းချီကား
နှလုံးသားရဲ့နံရံမှာ …..

မောင်စိန်ဝင်း (ပုတီးကုန်း)

သူတို့စောင့်ရှောက်သော်ငြား
ကိုယ်ငရဲ ရောက်နိုင်သား
ကြယ်တွေကို မော့ကြည့်ကာပင်
ကိ်ုယ်တရေးရေးသိမြင်။

မြေပေါ်မှာဖြင့်
အနည်းဆုံးတော့ လစ်လျူရှုသင့်
လူ သို့မဟုတ် တိရစ္ဆာန်ကို
ကိုယ်တို့ ကြောက်ရမယ်ထင့်။

ကြယ်ဆိုတာက ကိုယ်တို့အတွက် လောင်ကျွမ်းနေရ။
ကိုယ်တို့က ဘာမှ ပြန်မပေးနိုင်ဘူးဆိုပါရင်
ဒါမျိုးဟာ ကောင်းရဲ့လား။

ချစ်ခြင်းမတူနိုင်သော်မှဖြင့်
ပိုချစ်ရတဲ့သူ ကိုယ်ဖြစ်ပါရစေ။

အပြစ်မတင်တတ်တဲ့ ကြယ်တွေကို
ချီးကျူးငေးမောသူ ကိုယ်ဟာ
ကြယ်တစ်စင်းကို
တစ်နေ့လုံးလွမ်းနေတယ်လို့ မပြောသာပါဘူး။

ကြယ်တွေ အားလုံးပျောက်သွားခဲ့ရင်
ဒါမှမဟုတ် သေဆုံးသွားခဲ့ရင်
ကိုယ်က ဗလာကောင်းကင်ကို မော့ကြည့်ရင်း
ပိန်းပိတ်တဲ့ အမှောင်ရဲ့ခမ်းနားမှုကို
ခံစားယူရတော့မယ်။
အချိန်တော့ နည်းနည်းယူရမှာပေါ့

ပိုချစ်ရတဲ့သူ ကိုယ်ပဲဖြစ်ပါစေ

ဂျူး